گڵا ڕزیایگم، دڵتنگ وو گڕیان

گڵا ڕزیایگم، دڵتنگ وو گڕیان
وە باوش وا وو
وە باوش واران
دەفێگ هامە بان، دەفێگ هامە خوار
دەفێگ ناو ئاوو
دەفێگ وە ناو چاڵ
نە خاوم بێدن، نە هامە خەوەر
لاگردمە وێ باخ وو خەزانە
دەسم کووتاهە وه داوان وه‌هار
نه‌فه‌سم پر لە دەدرد وو ماتەمە
کەسێگ نەێەرسێد دەسێ وە دەسم
کەسێگ نێەپرسێد دوای دەردد چەس؟
کەسێگ نیەخوەنێد چشتێگ وە گووشم
تەنیا و بێکەس، ئاوارە‌ی بێدەس
خوەمیش نیەزانم، مالم هالە کو
نە مەواێگ درم، نە میل و هەوەس
نە زەمان ئل‌گەردێد
تا دەس برسنمە دەس

دارێگ و باخێگ.

ئاوارە وو بێکەس
دوای دەردەگەم

کەفتێەسە دەس

ئاێم بێ‌نەفەس.
زەمان دوێد و منیش وە دۊای
زەمان نیشخەن دێد

منیش وە شوونێ،
لچم لرزێد وو سدام خەمە حڵق
دەنێگ خۊەنم‌وو

دەمێگ بەمە سەر:
هێ داد، هێ هاوار
مەردم برەسن
وە دادم ئمرو
گڵا رزیاێگم دڵتەنگ وو گڕیان
وە باوش وا وو
وە باوش واران
دەفێگ چمە بان، دەفێگ چمە خوار
دەفێگ ناو ئاوو
دەفێگ وە ناو چاڵ
مەردم برەسن وە دادم ئمروو
دەمم سزیاێە
شوونم بڕیاێە
شایەد هەلسێد و خولەکوم ئمشو
قوقنووسێگ رەنگین.
چاوێگ ەێز بێد
بالێگ ئلگرێد
ئارام بنیشێد لە بان دارێگ
جوور گڵاێگ لە بان کاجێگ.

١٤٠١/٦/١٢

 

٭دلم گیریایە بدجورێگ ایمشو
باو گڕێگ بنیش لە لامان ایمشو
جوور جاران، جوور هەر شوو
دەنێگ بخوان تا، پا بکوتیمە زێو
گڕێگ نیشتمە بی میل وو هەوەس
لە شوون یاران، دەس لە بان دەس
ای خاوو و خیاڵە، کار داسەه دەسم
وە ناو ای شارە، وا داسەە دەسم
ئاوڕ وە‌هاران تیووێگ هاوردوو
کێنی زەمانە جۊشێد جوور جاران
نە تاقوەسان وو نە کووە‌ی نسارم
نە گوڵ واخان وو نە تۊڵ دارم
نە شوو نە روژم پیاس
نە مالوو دیارم ئاشناس
نە خوویشگ ها لە لام، نە برا وە شون
باوگ وو داڵگیش، دەس وە ئاسمان
داخ دڵ مە کەس نێەکیدە ساف
مراد دڵم کەس نێەوەسێدە دار
و سر جوانی، دلم پیر بێە
و توڵە‌ی ئنار دەسم برێاێە
ئالان چەن وختەە وە گشت برێامە
لە دووسوو رەفیق، لە دوشمەن بێگانە
ئامان ەی ئامان دلم شکیاێە
خودا دڵم گەن جور گێریایە
ئاگر گردمەە گڕێگ باوە لام
برس لە فریادم بی‌دەنگوو کەلام
دەنگم کەس نێەشنەفی وی شارە امشو
چەنی بی‌دسلاتم وی دیارە امشو
جور ئاگر ژێر خولەکوم
وا هات و برد، دار و ندارم
جور خوەرئاوا هامە تە خەت
جور مناڵێگ دنگم هالە بان سر
برشن عه‌زیز، برشن وی جامەه
کەس نێە پێدا و پنەان لی دێارە
برشن عەزیز، جامێگ حەلالە
و شوونە بخوون دەنگێگ ئرامان
برژن وی خۊن دل ئنگوورە
برشن تا بشوورێدن گشت ای هەمگە زۊخە.
٭دەنگەگی برزە، ئاوای غمینە
کاش ای مڵە سەر بێید لە میلکاند.

به اشتراک بگذارید
پست های مرتبط
آخرین دیدگاه‌ها

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *