پەرتەو کرماشانی

هەم یارێ گیانی هاتێیە

هم ئەیدە هەم مانگە شەوە

مردم خودا داخم ئەڕای

یەی شیشە لەو بەدمەسەوە

دنیا دەمیگەو ئەو دەمە

بەو تا بنیشیمن وە یەک

خوەم بوومە نەزری ئەو دەمە

هووری جوانیگ هاتەوە

تا تیەیدە دەس دیدارەگەد

جفتێ چەوێ نازارەگەد

ساتی لە شەو نەگزەشتێیە

ئۊشن هەڵس وەخت خەوە

باخم شەمامەی نەوڕەسم

نۊر چەوم ئاسای دەسم

دەردد وە گیانم گشت کەسم

دنیا چمان هەر ئمشەووە

هەر شەوی دەر وا بکەی

بیدە مێهمانم چە بوود

سەر بنەیدە سینەمەو

دەس وە سەرێ شانم چە بوود

وا بکەید خوەیش خوەشک

یەی شیشە لەو بەد مەسەوە

ساقیم بۊدو بنەیدن سەر وە داوانم چە بوود

وەختی تیەیدە ماڵمان چشتێ بخە شان و ملد

ئاگر وە ئیمانم نێیە ئاخە دڵم دەس نەسرەوە

هەرگز نە لە کەس ڕەنجیە نە کەس له خوەی ڕەنجانێیە

ئەر دیرییە ئەر کافرە مەردم یە دین پەرتوە

پەرتەو کرماشانی

به اشتراک بگذارید
پست های مرتبط
آخرین دیدگاه‌ها

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *